Niviarsiaqqat tammaraluartut
Qulimiguullip ujaaseqataasup niviarsiaqqat qaqqami pisuttut naammattoorpai. Niviarsiaqqat nakorsamit misissorneqareerput, atugarlioraluarlutillu ajunngitsut oqaatigineqarpoq.
Niviarsiaqqat Sigdalip eqqaani sisoraaserlutik angalaareerlutik isumaqatigiissutigineqartoq naapertorlugu angerlamut apuutinngimmata, ippassaq unnukkut maqaasineqartutut nalunaarutigineqarput. Unnuaq ilaatigut qimmilerluni qamuteralannillu ujaasisoqaraluarpoq, silalli erseqqarlunnera pissutigalugu unitsiinnarneqaraluarluni. Tamaani putsernera, nittaalarnera qulisimaneralu erseqqarlutsitsipput.
Norgimi politiit ujaasinertik ullaaq manna aallarteqqikkamikku, niviarsiaqqat illuaqqat ilaannut oqquiffissarsiorsimanissaat neriuutigigaluarpaat, niviarsiaqqammi sivisuumik silamiinnissaminnut naleqquttunik atisaqanngimmata, taquaqaratik imermillu nassataqartik.
