Niviarsiaqqat kisimik neqeroorfigineqassapput

Nunarsuatsinni Kalaallit Nunaat siullersaalluni nukappiaqqanut niviarsiaqqanullu akiuussutissamik kapoorinissamik neqerooruteqarniaraluarpoq. Kisianni HPV virusimut illissap paavatigut kræfteqalissutaasinnaasumut kinguaassiuutitigullu unngoqalersitsisinnaasumut akiuussutissamik kapoorineq, niviarsiaqqanut kisimi neqeroorutugineqartussanngorpoq.
Allattoq Louise M. Kleemann
decembarip 11-at 2008 09:49

2008-mut aningaasanut inatsit najoqqutaralugu, niviarsiaqqat nukappiaqqallu HPV-mut akiuussutissamik kapineqarnissamik neqeroorfigineqartussaagaluarput, kisianni niviarsiaqqat kisimik akiuussutissamik kapineqartarnissaat aningaasanik nalilersueqqinnerup kinguneranik aalajangiunneqarpoq.

- Siunissami misissuinertigut paasineqarpat, HPV-mut akiuussutissamik kapisineq nukappiaqqanut iluaqutaasoq, taava tamanna nalilersoqqittariaqassavarput, peqqinnissaqarfimmi aqutsisuuninngorlaap Ann Birkekær Kjeldsenip oqaatigaa.

HPV-virusi atoqatigiinnikkut tunillaattarpoq, taamaattumik atoqatigiinnikkut pitsaasunik ileqqoqarnikkut napaatip atugaanerana minnerulersinneqarsinnaavoq.

- Taamaattumik atoqatigiinnermi imminut illersornissaq pingaaruteqarpoq, usuup puuatalu atornissaa innersuussutigisariaqarluni, Ann Birkekær Kjeldsen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq