Niviarsiaqqamik aallarussisimaneq politiinit misissorneqarpoq
Meeqqat atuarfianni Qorsussuarmi atuartumik, niviarsiaqqamik qulingiluanik ukiulimmik aallarussisimaneq pillugu Nuummi politiit suli misissuisut, politiinit oqaatigineqarpoq. Taamaattoq politiit suliamut tunngatillugu annerusumik oqaaseqarumanngillat.
Niviarsiaraq qulingiluanik ukiulik maajip arfernani atuareernermi kingorna skolepasningiliartilluni angummit pinngitsaalineqarluni biilimut ikitinneqarsimavoq. Angutip niviarsiaraq angerlarsimaffimminnukaassimavaa, angutillu angerlarsimaffimmini allamukallatsiarnerani niviarsiaraq qimaasinnaasimavoq.
Qorsussuarmi aqutsisut maanna angajoqqaat kaammattuutigaat meeqqatik alaatsinnaanneroqqullugit meeqqallu imminnut paarilluaqqissaaqqullugit, inunnullu nalusaminnik attaveqarnaveersaartaqqullugit.