3900 Nuuk Niviaq Nuummiullu allat illoqarfimminnik ilisarititsinerat tusarnaaruk, imm. 8
8:24 - Aavarneq
Aavarnikuugaanni puiunaatsorsisarpoq. Ingammik aavaqqaarneq puiunaatsuuvoq. Aavarfiup nalaani Nuummiut kangerlummut qaqqani naassaanngitsuni aavariakaallutik aallakaasarput.
Nunami pisuffigiuminaatsumi sivisuumik pisulluni, ippernanit kimmarterujuutaa, assut qasunartarpoq. Uumasumillu pisaqannginnermi ullut arlallit pisoqqaartoqarsinnaasarluni, pisaqaraannili qerititsivik neqinik ulikkaarneqarsinnaasarpoq; neqi mamarnerpaaq. Tipaa, nipaa, isikkivia pissanganerlu nunarsuarmi allanut naleqqersuunneqarsinnaanngilaq.
Aallakaatitsivimmiipput: Niviaq Korneliussen (atuakkiortoq). Peqataasut: Finn Meinel Jan-Erik Pedersenilu. Aaqqissuisuupput: Emil Rothstein Christensen aamma Mikkel Rønnau.
KNR Radio ullut tamaasa juullimut ammartakkanik sisamanik aallakaatitsisassaaq:
Nal. 7.20 Serrat
Nal. 7.30 Inersimasunut ammartagaq
Nal. 7.45 3900 Nuuk
Nal. 9.07 Hitlistip juullimut ammartagaa
Uku unnukkut aallakaateqqinneqartassapput:
Nal. 19.12 Serrat
Nal. 18.32 Inersimasunut ammartagaq
Nal. 18.45 3900 Nuuk
Immikkoortut aallakaateriikkat DR-ip nittartagaani tusarnaarsinnaavatit imaluunniit 3900 Nuuk podcastitut tusarnaarsinnaavat.
Soorlumi aamma "Inersimasunut Ammartagaq" KNR-ip nittartagaani maani tusarnaarneqarsinnaasoq aamma podcastitut tusarnaarneqarsinnaalluni.
Aamma takuuk knr.gl/juulli
