3900 Nuuk Niviaq Nuummiullu allat illoqarfimminnik ilisarititsinerat tusarnaaruk, imm. 20
20:24 - Vivi
Nuuk kulturikkut pikilialaarfiulluarpoq. Eqqumiitsulianik saqqummersitsinerit, tusarnaartitsinerit, filmit atuakkallu Nuummi innuttaasunik katersuuffiusarput. Ataaserli nuummiunut katersuuffiulluartoq ilisarnaataasorlu tassaavoq timersorneq. Kalaallit timersornermik nuannarisaqartupilussuupput.
Mikisunit utoqqarnut timersortarput. Isikkamik arsaanneq, assammik arsarneq, sisorarneq aammalu crossfit. Arlallit sungiusartarnertik unammisarnertillu allanik sammisaqaqateqarnermut atortarpaat, allallu isikkorinnissartik peqqissuunissartillu pillugu timersortarlutik.
Vivi ullumikkut naapissavarput. Taassuma timersorneq 'inuuneraa', pingaarnerpaarli tassaavoq inuuginnarnissaq.
Aqutsisoq: Niviaq Korneliussen. Peqataasoq: Vivi Fleischer. Aaqqissuisut: Mikkel Rønnau aamma Emil Rothstein-Christensen.
KNR Radio ullut tamaasa juullimut ammartakkanik sisamanik aallakaatitsisassaaq:
Nal. 7.20 Serrat
Nal. 7.30 Inersimasunut ammartagaq
Nal. 7.45 3900 Nuuk
Nal. 9.07 Hitlistip juullimut ammartagaa
Uku unnukkut aallakaateqqinneqartassapput:
Nal. 19.12 Serrat
Nal. 18.32 Inersimasunut ammartagaq
Nal. 18.45 3900 Nuuk
Immikkoortut aallakaateriikkat DR-ip nittartagaani tusarnaarsinnaavatit imaluunniit 3900 Nuuk podcastitut tusarnaarsinnaavat.
Soorlumi aamma "Inersimasunut Ammartagaq" KNR-ip nittartagaani maani tusarnaarneqarsinnaasoq aamma podcastitut tusarnaarneqarsinnaalluni.
Aamma takuuk knr.gl/juulli
