3900 Nuuk Niviaq Nuummiullu allat illoqarfimminnik ilisarititsinerat tusarnaaruk, imm. 19
19:24 - Tekle
Nunarsuaq qimaasunik ulikkaarpoq. Nunat ilaasa qimaasut amerlasuut toqqissisimasumut pinissaat akuerisarpaat, allalli ikinnerusuinnaat akuerisarpaat. Oqallinneq tusartareerparput, aamma Kalaallit Nunaanni. Maanna pisunit qimaasut Kalaallit Nunaannukarnissaat suli maannamut akuerineqarnikuunngilaq.
Taamaakkaluartoq minnerpaamik qimaasumik ataatsimik Nunatsinni najugaqartoqarpoq, malunnanngikkaluarpoq allamiuusoq. Upernavimmi Qeqertarsuullu Tunuani najugaqarsimavoq. Maannalu Nuummi najugarpoq. Ullumi Tekle naapissavarput, taanna Eritreameersuuvoq, 80-kkunnili imminnut sorsuunnerannit qimaasariaqarsimavoq - qulinik ukioqarluni sakkutuujoreerluni.
Ullumi inuunera allarujussuuvoq: Kalaallit Nunaata nunanut allanut isikkamik arsaattartuinut maanna sungiusaasuuvoq!
Aallakaatitsivimmiipput: Niviaq Korneliussen (atuakkiortoq). Peqataasoq: Tekle Ghebrelul. Aaqqissuisuupput: Emil Rothstein Christensen aamma Mikkel Rønnau.
KNR Radio ullut tamaasa juullimut ammartakkanik sisamanik aallakaatitsisassaaq:
Nal. 7.20 Serrat
Nal. 7.30 Inersimasunut ammartagaq
Nal. 7.45 3900 Nuuk
Nal. 9.07 Hitlistip juullimut ammartagaa
Uku unnukkut aallakaateqqinneqartassapput:
Nal. 19.12 Serrat
Nal. 18.32 Inersimasunut ammartagaq
Nal. 18.45 3900 Nuuk
Immikkoortut aallakaateriikkat DR-ip nittartagaani tusarnaarsinnaavatit imaluunniit 3900 Nuuk podcastitut tusarnaarsinnaavat.
Soorlumi aamma "Inersimasunut Ammartagaq" KNR-ip nittartagaani maani tusarnaarneqarsinnaasoq aamma podcastitut tusarnaarneqarsinnaalluni.
Aamma takuuk knr.gl/juulli
