3900 Nuuk Niviaq Nuummiullu allat illoqarfimminnik ilisarititsinerat tusarnaaruk, imm. 14
14:24 - Harald
Toqup tamatta sunnertarpaatigut. Tamatta annaasaqarnikuuvugut annaasaqartussaallutalu. Annaasaqaraangatta aliasuttarpugut, ingerlaqqittarlutali. Ingasattumilli, ajortumik pippat ingerlaqqikkuminaattarpoq, inuunittalu sinnerani misigisussanngorlugu.
Toqu takkuttarpoq qimaguttarlunilu, toquli takkussinnaasarpoq qimaguteqqiganilu. Tamanna Haraldimut pisimavoq, Harald annaasaqarnikuuvoq, aliasunnikuuvoq ingerlariaqqinnikuunngilarli. Nuummi isertitsivimmi paarnaarussaaqqavoq. Harald toqumit malersorneqartuaannartussat ilagaat.
Aallakaatitsivimmiipput: Niviaq Korneliussen (atuakkiortoq). Peqataasut: Harald (isertitsivimmut isertitaq) Tida Ravnilu (oqalutsi). Aaqqissuisuupput: Emil Rothstein Christensen aamma Mikkel Rønnau.
KNR Radio ullut tamaasa juullimut ammartakkanik sisamanik aallakaatitsisassaaq:
Nal. 7.20 Serrat
Nal. 7.30 Inersimasunut ammartagaq
Nal. 7.45 3900 Nuuk
Nal. 9.07 Hitlistip juullimut ammartagaa
Uku unnukkut aallakaateqqinneqartassapput:
Nal. 19.12 Serrat
Nal. 18.32 Inersimasunut ammartagaq
Nal. 18.45 3900 Nuuk
Immikkoortut aallakaateriikkat DR-ip nittartagaani tusarnaarsinnaavatit imaluunniit 3900 Nuuk podcastitut tusarnaarsinnaavat.
Soorlumi aamma "Inersimasunut Ammartagaq" KNR-ip nittartagaani maani tusarnaarneqarsinnaasoq aamma podcastitut tusarnaarneqarsinnaalluni.
Aamma takuuk knr.gl/juulli