Niviaq Korneliussen nunarsuarmi atuagassiat pingaarnersaanni

'Atuakkiaa nunarsuup immikkoortuani atuarneqarnerpaagunarpoq, kinguaariinnilu siullersaalluni nunami avataani atuartartoqarluni', Niviaq Korneliussen atuagassiami taama allaaserineqarpoq.

Korneliussenip atuagaq "Homo Sapienne" 2014-imi saqqummersippaa, suiaqatiminoortut inuiaqatigiinni ikinnerussuteqartuusut Nuummilu inuusuttut akornanni unnuakkut qanoq pisoqartarnera atuakkami sammineqarlutik.

Naqiterisitsisartup Lene Therkildsenip danskit aviisiannut Jyllands-Postenimut oqaatigaa atuagaq "Homo Sapienne" tyskisut saqqummersinneqaqqammersoq aammalu Canadami naqiterisitsisarfik atuakkamik franskisut saqqummersitserusuttoq isumaqatigiissuteqarfigineqarsimasoq.

Aamma atuakkap tuluttuunngorlugu nutserneqarnissaa amerikami ingerlatseqatigiiffiup saaffiginnissutigisimavaa.

Atuagassiaq The New Yorker nunarsuaq tamakkerlugu millionip missaanik atuartartoqarpoq.