Nive puigunaatsippaat

Erinarsortartoq Nive Nielsen MTV-mit malugineqariasaarpoq. Nipersoriaasia erinarsortarneralu nersualaarneqaqaaq, inuttullu malunnaatilittut puigunaatsutullu taaneqarluni.
februaarip 20-at 2011 12:26

Nive Nielsen nipilersortartunilu The Deer Children Nuummi Kulturikkut Illorsuarmi Katuami sapaatip-akunnerani kingullermi nipilersoramik nuutinik 5000-inik tunisaqarsimanertik pissutigalugu kuultimik akissarsitinneqarput. Maannalu Danmarkimi, Belgiami Tuluillu Nunaanni angalaarput, kingornalu USA-liassallutik.

TV-qarfissuaq MTV nittartakkamini allappoq, Nive pikkoringaarami uppernarpianngitsorluunniit:

- Hawaiimiut guitareerannguat, ukulele, aappaluttoq atorlugu nipilersortarpoq. Asanninneq, tuttut kaffiliornissaminillu puigortoortarnini erinarsuusiarisarpai. Erinarsortarnera jazzerpalaangajallunilu koorporpalaartarpoq. Erinarsugai tusaqqoornartorujussuupput puigunaallutillu. Nive tassaavoq kalaaleq kisiartaalluni ukulelertartoq, isornartorsiuisartut ilaat Nivemik nuannarinneqisoq allappoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq