Nive Nielsenip tusaamasat TV-kkooqatigai

Aallakaatitassiami tassani Bonn-imi suliarineqarlunilu aallakaatinneqartartumi ilaatigut pulaartuusarsimasut ilagaat Bob Marley, Deep Purple, The Who allarpassuilul tusaamasat. Ilaatigut tusaamasanngornissaat sioqqullugu tassani pulaartorineqartarput ilaalli tusaamasanngoreersut pulaartorineqartarlutik

- Aallakaatitassiat taakku inupparujussuarnit Tysklandimi nunanilu saniliini isiginnaarneqartarput. Taamaasilluta periarfissaqarsimavugut nipilersukkatta inuppassuarnut tusartinnissaannut misigisarlu nuanneqaaq. Siornatigut Tysklandimi eqqaanilu angalasareerpugut kisianni una pikkunaqaaq, Nive Nielsen KNR-mut oqarpoq.

Rockpalast-imi aallakaatitsinerup saniatigut WDR minutsinik 80-nik sivisussusilimmik aallakaatitassiorniarpoq Nive Nielsen and the dear children pillugit. Taamaasillutik nipilersoqatigiit Tysklandimi nipilersukkanik pisisartorpassuarnut nittarsaanneqartussanngorput.

- Tamanna soorunami imaannaanngitsorujussuuvoq tassami tv-qarfissuit ilaata taama sivisutigisumik aallakaatitsiniarnera uatsinnut naleqartorujussuuvoq, tassungalu piukkunneqarnerput assorujussuaq tulluusimaarutigaarput. Kalaallit Nunaanneersuunerput pissutigalugu Tysklandimi assut soqutigineqarpugut. Taamaannera uanga upperivinngikkaluarpara tassami nipilersukkagut nuannarisimagamikkit tusarnaartaraatigut ilimagaara, Nive Nielsen oqarpoq.

Rockpalast-imi isiginnaartartut naliliinerat malissagaanni Nive Nielsen ande The Dear Children tyskinit nuannarineqartorujussuanngulerunarput.