Nive Nielsen annertuumik nersornaatisivoq
Erinarsortartoq Nive Nielsen arfininngornermi unnukkut imaannaanngitsumik nersornaatisivoq DR1-mi toqqaannartumik aallakaatinneqartumik Kunngissakkut kulturimut nersornaataat tunniunneqarmat. Nive Nielsen piukkunnaatilittut "Stjernedryspris"-mik akissarsitinneqarpoq 50.000 koruuninik aningaasartalimmik taakkulu Sønderborgimiit toqqaannartumik aallakaatitsinermi tunniunneqarput.
Allattoq Noah Mølgaard
Nersornaat Kunngissakkut namminneerlutik Nive Nielsenimut tunniuppaat tamatumalu kingorna nipilersoqatigiit TV2 peqatigalugit tusarnaartitsivoq.
Nersornaasiineq taanna Nunatsinni TV-mik isiginnaartartut unnumana isiginnaarsinaavaat nersornaasiineq KNR-TV-mi nalunaaqutaq 21.10 aallakaatinneqassammat.
Neriuppugut Nive Nielsen aqagu oqaloqatigisinnaassallugu nersornaatisiaa pillugu oqaaseqartinniarlugu.
Og i morgen håber vio at få en snak med Nive Nielsen om den store hæder, som årets stjernedrys.