Nive Illu Atlantikumi tusarnaartitsissaaq

Nunat Avannarliit Siunnersuisoqatigiiffiat Københavnimi ukiumoortumik sapaatip-akunnerata tulliani ataatsimiissaaq. Tassungalu atatillugu kulturfestivaleqartitsisoqassalluni.

Avannarlerni erinarsortartut inuusuttut tusaamasaasutut kulturikkut illorsuarmi tassani unpluggedimik taaneqartartumik tusarnaartitsissaaq, tassa tusarnaartitsineq, erinarsortartunik nipilersortartunillu amerlasoorsuarnik peqateqanngikkaluarluni tusarnaartitsineq, taamaalilluni erinarsortartoq qanimut misigisaqarfigineqartarpoq.

Nivep saniatigut savalimmiormiut nipilersortaRtut marluk, Budam aamma Guðrið Hansdóttir, unnuk taanna tusarnaarneqarsinnaapput.

Qallunaap nipilersorneq pillugu tusagassiortartup, Kathrine Ringip, tusarnaartitsisut nipilersorneri erinarsornerilu pillugit apersussavai, Kalaallit Nunaanni Savalimmiunilu nipilersortarneq pillugu paasiniaavisissallugit, tusarnaariallu tamanna qanimut paasisaqarfigisinnaassaaat.