Niuernermik Ilinniarfimmi kusanartuliat
Oqalugiartitsisarnerit aallartillugit oktobarip arfernanni atisanik ilusilersuisartoq Nickie Isaksen, atisaliorfimmit Isaksen Designimeersoq, ukiuni kingullerni marlunni Nunatta Ammerivianik suleqateqartoq oqalugiassaaq.
Isaksen Design ilisarnaataavoq, nunani tamalaani akuerisaasoq, tamatumali peqatigisaanik suliffeqarfiulluni mikisoq ilaqutariit ingerlataat, tamakkuninnga ingerlatsisunit soqutigineqarluartoq.
Kalaallit ilisarnaataat atisaliornermilu atortagaat atorneqartarput. Kingullertut inuusuttunut naleqquttunik atisaliorput, KALAK kalaallisut ilisarnarluartoq taaguusiullugu.
Nickie Isaksen oqalugiarnermini suliffeqarfiutimik oqaluttuassartaanik isumassarsiatullu tunngavigisaminnik oqaluttuassaaq suliamillu ilaannik takutitsissalluni.
Ilinniartut aamma tusarnaaginnassanngillat, atisanilli takutitsinernik, soorlu umiarsuarnik takornarianut septembarip 22-anni aaqqissuunneqartutut ittunik aaqqissuussisassapput.