Niuernermik Ilinniarfik ilinniartuuteqangaatsiartussaavoq
- Ukioq manna ilinniartuutissaqangaatsiarpugut. Ilinniarumasut ingerlaqqikkusuttullu 160-t aallartissapput, taakku ilaat aallaqqaataaniit aallartissapput ilaallu qaffasinnerusumut ingerlaqqittussaapput, taama Niuernermik ilinniarfimmi ataqatigiissaarisoq Per Thomsen oqarpoq.
- Tallimanngorpat aggustip 15-iani ilinniartuutissagut tamarmik ileqqutsitut ”Rusrally-rtissavagut” tassa akulerussuutissavagut eqimattakkaarteriarlugillu Nuup iluani assigiinngitsunut suliffeqarfinnut paasiartuaagassaannik suliakkissavagut.
Taamaaliortittarpavut aallarteqqaarneranni aalassatsilaarumallugit, aammalu illoqarfik ilinniarfissartik paasisaqarfiginiassammassuk, taama Per Thomsen oqarpoq.