Niuernermik Ilinniarfik Aarhus Handelsgymnasium-imik suleqateqalerpoq

Ilinniartut nunatsinneersut århusimeersullu suleqatigiinnut sisamanut agguaanneqarput taakkulu suliarissavaat: Kalaallit Nunaannut Danmarkimullu aningaasarsiornikkut kingunissat, nunamik piginnittussaaneq Kalaalit Nunaannut imaluunniit Danmarkimut tunniunneqarpat.

Suleqatigiinneq qarasaasiakkut Skype aqqutigalugu ingerlanneqassaaq ilinniartullu assiliissutikkut nittartakkakkullu www.eforum.gl-ikkut attaveqaqatigiittassapput.

Nittartakkap pilersinneqarneranni suleqataapput Nuummi, Qaqortumilu niuernermik ilinniarfiit, Narsami inuussutissalerinermik ilinniarfik, Maniitsumi aalisakkanik tunisassiornermik ilinniarfik, Sisimiuni oqaatsinik pikkorissarfik, Nuummi saviminilerinermik ilinniarfik, Sisimiuni sanaartornermik ilinniarfik, Namminersornerullutik oqartussat kiisalu sulisitsisut peqatigiiffiat GA.