Niuerneq pitsanngoriarpoq

Niuernerup oqimaaqatigiinnera 2009-mi ukiup affaani siullermi taamaalilluni 591 mio. koruuninik amigartoorfiusoq, Kalaallit Nunaanni Naatsorsueqqissaartarfik nalunaarpoq.

Ukiormanna ukiup affaani siullermi niuerneq siorna taamaalineranut naleqqiullugu 260 mio. koruuninik pitsanngoriarsimavoq.

Taamanimi niuernermi oqimaaqatigiissuseq 852 mio. koruuninik amigartoorfiusimavoq.

Nunanit allanit eqqussuinerit 2008-p ukiuata affaani siullermi nalingi 1,8 mia. koruunioriarlutik ukioq manna ukiup affaani siullermi 1,5 mia. koruuningajanngorsimapput. Appariarnermut pingaarnertut peqqutaavoq uuliamik eqqussuineq, 49 procentimik annikillilluni 192 mio. koruunik appariarmat.

Nunanut allanut tunisat nalingat 2008-p ukiuata affaani siullermi 982 mio. koruuniusimasut 2009-p ukiuata affaani siullermi 882 mio. koruuninngorsimapput. Avammut tunisartakkat tassaanerupput aalisakkat imarmiullu qaleruallit, ti procentimik appariarlutik 100 mio. koruuninik isertitakinnerussutaasimasut.