Nissiaqqat nunaat sikueruppoq

Qamutit perlaavisa ataanni aput qeraarpaluttoq qimmillu qiimallutik pamiggersimaartut. Danmarkip Radioata juullimut ammartagaani ’Nissebandtikkut Kalaallit Nunaanni’ nissiaqqat qimussimik aallaraangamik taama erinarsortarput. Kisianni ullutsinni piviusut nissiaqqat silarsuaannut sanilliullugit allanngorsimaqaat.

Allattoq Louise M. Kleemann

novembarip 23-at 2011 10:04

Tassami nissiaqqat silarsuaat nunarsuarmi silap kiatsikkiartorneranit aamma eqqorneqartunut ilaavoq.

Nissiaqqat ikinngutaata Inuup Juullip Inua suli kikkunnit tamanit nalunnginneruaa aamma puisaasaq Luffe aalisakkanik suli nerukkariartortarpaa. Kisianni Juullip Inuata angerlarsiaffianut ’Kongsgårdimut’ aallassagaangami qamutini atorneq ajorpai. Taarsiullugu qulimiguulik angallatigisarpaa.

’Ammartagaq’ Nissebandtikkut Kalaallit Nunaanni’ 1989-imi siullermik takutinneqarmat Uummannap Sullua sikumik qaalloriinnaavoq. Ullumikkut siku immamit qappiorasaartumit taarserneqarsimavoq.

- Siku nalinginnaasumik novembarip qaammataani takkuttaraluarpoq, kisianni siorna marsip qaammataa nalleraa aatsaat takkuppoq,’ Inuk’ Malik Niemannimik aamma taaguutilik oqarpoq. Taassuma puisaasamik Luffemik paarsinermi saniatigut timmisartortartutut ilinniarnissani aamma piffissaqarfigisimavaa.

- Naamik ukiormanna Uummannap Sullua qulimiguulimmik qulaavaaginnassavara, Inuk oqarpoq.

Nissebandtikkut Kalaallit Nunaanniinnerisa kingorna pissutsit allanngorsimagaluartut ammartagaq meeqqanit meerarpaluttunillu nuannarisalinnit suli aliannaarfigineqarsinnaavoq. Tassami Kongsgårdi suli sikumit qimminillu qimuttunit avatangerneqarsimavoq. Apeqqutaaginnassaaq Juullip Inuata ujaqqat angakkuakkat nassaarissanerai aamma Nissebandtikkut meeqqanut tuniussutissanik sananerat kignuaattoorpallaassannginnersoq. Apeqqutit ammartakkami ’Nissebandtikkut Kalaalllit Nunaanni’ akissutissarsineqarsinnaapput.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.