Nisseq nazistitut ilassinnittoq
decembarip 04-at 2006 17:18
Tysklandimi pisiniarfissuaatillit ilaata nissimaaq mikisunnguaq qisummit sanaaq tuniniarunnaarsimavaa. Nissimaannguup taliata talerperliup siaarsimanera inunnit nazistit ilassinnittarnerannut eqqaanartinneqarmat.
Josef Lange, pisiniarfissuaatillit Rossmannikkut sinnerlugit oqaaseqartoq, nutaarsiassaqartitsivimmut Reuters-imut oqaluttuarpoq, nissimaavarannguaq taanna – talerminik talerperlermik siaarsisimasoq saamerlermillu puumik tigumiartoq – maanna Tysklandimi inerteqqutaasumut nazistitut ilassinnittarnermut, pisiniartunit eqqaanartinneqarsimasoq.
Nissimaannguit sanileriiaaqqissaarlugit iliorarneqarsimanerat eqqaanartinneqarnerannut minnerulersitsisimagunanngilaq.
