Nipisanniarneq sumiiffinni arlalinni sivitsorpoq

Aqutsiveqarfimmi Qassimiuniit Narsaq kujalleq tikillugu,  taanna aqutsiveqarfimmik NAFO 1F-mik taaguuteqartinneqartumi nipisanniarneq ullunik 10-nik sivitsorneqarpoq, aalisarneq juunip 2-anni aatsaat unitsinneqassalluni.

Aqutsiveqarfimmi  NAFO 1E-mi,  Arsumiit Paamiut avannata tungaa tikillugu  nipisanniarneq ullunik aamma 10-nik sivitsorneqarpoq, aalisarneq juunip 2-anni aatsaat unitsinneqassalluni.

Aamma aqutsiveqarfimmi NAFO 1D-mi,  Qeqertarsuatsiaat kujaataaniit Nuuk tikillugu nipisanniarneq juunip 5-anni unitsinneqassaaq,  aamma  aqutsiveqarfimmi  Atammiup kujataaniit Kangaamiut avaanni Ungusiviup tungaanut NAFO 1C-mi juunip 8-anni unitsinneqassalluni.

Sivitsuinermut ilaatigut patsisaasut ilaat tassaavoq nunap isuata sineriaata qanittuani sikorsuaqarujussuarnera. Sikorsuit pisuullutik Kujataani sivisuumik nipisanniartoqarsimanani, Aalisarnermut, Piniarnermut Nunalerinermullu Naalakkersuisoqarfimik tusagassiuutinut nalunaaruteqarluni taama allappoq