Nipilersornermi finalertussat piareerput
Qasigiannguani nipilersorluni unammiuaarnermi arfininngorneq apriilip aappaat kikkut finalertuussanersut maanna nalunarunnaarpoq.
Qasigiannguit katersortarfiat arfininngornermi unnukkut kingumut inuppassuarnit unnussioriarfigineqarpoq nipilersoqatigiit arfineq marluk finalimi inissat pingasut unammissutigimmatigit.
- Unnuk kingullermik arfininngornermiit nuannernerungaarpoq, KNRip Qasigiannguani ilanngutassiortua Inge-Marie Rosing ilisimatitsivoq .
Ippassaq appisimaarneqareersoq annguttut tassaapput: Malu & Kulunnguaq Villads Villadsenip efterskoleaneersut, Miniput band kiisalu Hans Nielsen Villads Villadsenip efterskoleaneersoq.
- Pingaartumik Malu & Kulunnguaq appisimaarmata tusarnaariat killitsipput erinaq ”Neriuut” atormassuk, Inge-Marie Rosing unnersiorpoq.
Arfininngorneq apriilip aappaat finalimi peqataasussatut annguttut tassaalerput: Inuit: Alina, Samson Grønvold, Nikku Kammalaatinilu, Malu & Kulunnguaq, Miniput band aamma Hans Nielsen.
