Nipilersornermi ateq nutaaq: Rikka

Rikka Egedep nuusiaa ”Unnuap Nipaannerata” maanna naqiterneqaleruttorpoq. Marsimilu saqqummernissaa naatsorsuutigineqarluni.
Allattoq Mads Pedersen
februaarip 20-at 2012 06:57

Rikkap erinniani taallianilu qulingiluat Atlantic Musicimi Jacob C. Andersson producereralugu immiutereerpai. Immiussinermi nipilersortartut ilisimaneqartut Hans-Jørgen Damgaard, Martin Zinck kiisalu Villa Sandgreen peqataapput. Frederik Elsner aamma Karen Nielsen erinnat ilaanni pulaartuupput.

Nuuteeraq asannilersaarutinik inuit tarrarsorfigisinnaasaannik imaqarpoq.

- Nammineq misigisakka tunngavigalugit taalliortarpunga. Tusarnaartullu erinniannut tarrarsorsinnaanissaat pingaartittarpara, Rikka Egede KNR.gl-imut oqarpoq.

Rikka 2009-mi Silkeborgimi Performers Housemi højskolereerlumi Nuummiilerpoq. Taassumalu kingorna Atlantic Musicimi immiussinissamik isumaqatigiissusiorsimalluni. Nuusiarlu saqqummingajalersoq Rikkap qilanaaraa.

- Saqqummernissaanut pilereqaanga. Pissanganaqaaq tusarnaartartunit qanoq tiguneqassanersoq. Tupaallannaqaaq soqutiginnittoqalereermat, Rikka KNR.gl-imut oqaluttuarpoq.

Akisuanerit Festival kiisalu Koda Awards appisimaarfigereerpai.

Nuuteeraq saqqummerpat Atlantic Musicimi sakkortusaatitaqanngitsumik tusarnaartitsisoqassaaq. Aamma marsip 16-ani Katuami Rikka & Kishima tusarnaariarneqarsinnaapput.

Rikkap erinniai facebook-sideani tusaaneqarsinnaapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq