Nipilersorneq: Liima Inui avissaalerput
Liima Inuini siuttut sulianik nutaanik aallartitsilerput. Taamaammat nipilersoqatigiit isumaqatigiipput avissaarniarlutik ikinngutigiikkunnaarnermik peqquteqanngitsumik tallimanngorpallu naggataajugallartumik tusarnaartitsillutik.
Liima Inuia annerusumik 2010p kingorna tusarnaartitsisimanngillat ukiullu qulit sinnerlugit erinarsuusiorput Kiiu Olsenip aamma erinarsortup Randi Brobergip suleqatigiinnerat unikkallartussanngorpoq.
- Nipilersoqatigiinni peqataasartut piffissami sivisuumi illoqarfeqatigiissimanngilagut. Taamatut inissisimalluni nutaaliorniarneq ajornakutsoorpoq, Kiiu Olsen KNR-mut oqarpoq.
- Aappaatigut uannut oqiliallannassooq naak nipilersoqatit nuannersorpassuarnik misigisaqarfigisimasat avissaalernerat unganaraluartoq, oqarpoq.
Randi Brobergimik suleqateqarnera 1998-mi aallartippoq aammalu qanimut suleqatigiillutik Pluto aamma Republik saqqummersippaat. Maanna Kiiu Olsen nipilersoqatigiinnik nutaanik aallarniilerpoq taamatuttaarlu Randi Broberg aamma immikkut nipilersoqatitaarniarluni.
Taamaattoq ukiualuit qaangiuppata aliannaaqatigiissinnaaneq suli periarfissaatippaat. Maanna tallimanngorpat Katuami tusarnaartitsinissaq piareersarfigileruttorpaat unnullu taanna saqqummersitanit pingasuusunit erinnat appisimaarneqarumaarput.
Liima Inui tassapput:
Kiiu Olsen, qatitoortoq erinarsortorlu
Randi Broberg, erinarsortoq
Niels Ole Olsen, kitaari
Inuuteq Olsen, kitaari
Jonas Fleischer, pattattoq
Ove Olsen, tumerparpaartoq