TALLIMANNGORNERSIUTISSAQ Nipilersoqatigiit Zikaza unnugu appilersut
Akisuanerit Festival 2015 ´90-kkornisanik aliannaartitsinermik ippassaq sisamanngornermi aallartinneqarpoq.
Allattoq Aaqqissuisoqarfik / Redaktionen
oktobarip 02-at 2015 12:09
Nuuk Posse, Nunatsinni hip-hoppimik nipilersortartut siullersaasa Sverigemeersullu 90-kkunni nunarsuaq tamakkerlugu nuannarneqarluartup Dr. Albanip festivali ammarpaat.
Nipilersoqatigiit assigiinngitsut sisamat unnugu tusarnaarrtitsissapput. Mariina, Pilu Lynge, Rikka aamma Zikaza Katuap inersuani appissapput.
AAMMA ATUARUK VIDEO Akisuanerit Festivalip nipilertussat saqqummiuppai
Unnummullu tusarnaartitsinissanut qilanaartuutissatut nipilersoqatigiit Zikazap tusarnaartitsineranit immiussaq tallimanngornersiutissatut toqqarparput. Taanna qulaani isiginnaarsinnaavat.
Tallimanngornersiutissatut piukkussaqaruit allaffigisinnaavatsigut, uunga webredaktion@knr.gl.
