Nipilersoqatigiit Sume nersorniarlugit unnugu tusarnaartitsisoqassaaq
Nipilersortussat tassaapput: Tumerparpaat: Martin Zinck, Qatitooq: Malik Andersen, Kitaari, 12-streng, erinarsortoq: Jan Hansen, Kitaari, erinarsortoq: Eigil Petersen, Kitaari: Angunnguaq Larsen, Kitaari: Martin Steenholdt, Pattattoq: Noah Mølgaard kiisalu pulaartitut erinarsortoq: Anda Uldum.
Martin Zinck, Nunatsinni tumerparpaallaqqinnerpaat ilagivaat, nuusiorpassuaqarluni, nipilersoqatigini peqatigalugit aammali nipilersoqatigiinnut allanut immiussisarfimmi tumerparpaartartutut atorneqarluartarluni, taanna KNR.gl-ima ima oqaluttuarpoq:
- Jan Hansenip peqataarusunnersunga aperigamiga. Sungisarnivut amerlanngillanngillat, kisianni sungiusaraangatta pimoorutivillugu sungiusartarpugut. Tallimanngormat appilerutta Kalaallillu rockimik nipilersortarnerat nersornialerutsigu sapinngisarput tamaat appinniarpugut.
Nipilersoqatigiit Sume ilinnut, nipilersortartut, qanoq sunniuteqarpat?
Meeraallungali tusarnaartarpakka, peroriartorninni tusarnaartuartuarlugit. Nipilersortalerninni aamma isumassarsiorfigilluartarpakka, soorlu erinniaat "Qullissat" nutaalialluinnartoq, tassanimi nipilersoqataasut tamarmik nassaarsiullaqqilluinnarlutik nipilersorput, erinaq taanna nuannarinerpaavara.
Sumep erinarsuutai qanoq atussanerlutigit oqaluttuarusuppallaanngilanga, kisianni soorunami tupaallatsitsilaarumarpugut aammalu rytmet atugaasa ilaat atorniarsaralugit.
Sungiusarnissinni erinarsuutit torrallatanik allanik nassaarfigaasigit?
- Ilaana, ingammik uanga, immersuinerit nipilersoriaatsini allani atorneq ajukkakka atussamaarpakka, taamaammat qilanaarutissaqarluarpoq.
Sumep ukiunik 40-nngortorsiornerata nalliussinissaanut qilanaarpugut, aamma peqataasinnaagama tulluusimaaqaanga, Martin Zinc KNR.gl-imut oqaluttuarpoq.