Nipangiussisussaatitaanermik unioqqutitsisoqarsimanersoq misissorniarpaa

Justus Hansen oqarpoq CIA-mut tunngatillugu suliassap ataatsimiititaliami isumaqatiginngissutaaneranut atatillugu ataatsimiititaliami ilaasortap Aleqa Hammondip radioaviisimut ilisimatitsissutigisai isertuussassaasut, Atuagagdliutit ullumi saqqummersut taama allaaserisaqarput.

Taamaattorli Justus Hansenip sunarpiaq misissorniarlugu oqaatigerusunngilaa.
Suliassamipineqartumi arlaannaanulluunniit attuumassuteqanngitsumik misissuisitsinissamik Nunata Danmarkimut piumasaqarniarnera pillugu isumaqatigiinngittoqarneranik Aleqa Hammondip radioaviisimut oqaaseqarnera pineqarpoq.

Taassumami ilaatigut oqaatigaa ataatsimiinnerni arlalinni Kuupik Kleist oqartarsimasoq arlaannaanulluunniit attuumassuteqanngitsut misissuinissaat paasissutissanik nutaanik pissarsiffiunavianngitsoq.