Nioqqutissat qulimiguulimmik nunaqarfinnut assartorneqartariaqartaramik akisunerusarput
Nioqqutissat akitsorneri niivertunut ilisimatitsissutigineqarneq ajorput. Frederik Olsen oqarpoq nunaqarfinni niivertut paatsuungagunik Pilersuisup qullersaqarfianut Sisimiuniitumut paasiniaaginnartarsinnaasut.
Kujataani suleqaterput Jørgen Semionsen ima aallartippoq:
Sapaatip akunnerata uuma siuliani nunaqarfinni nioqqutissat illoqarfinni nioqqutissanut sanilliullugit akisuneruvallaarnerat Qeqertarsuatsiaaniit radioaviisikkut uparuartorneqarpoq. Nioqqutissat nunaqarfinnukaaneqartarnerat akitsorsaataasartoq KNI assartuivimmi pisortaq Frederik Olsen oqarpoq.
Nioqqutissat akitsorneri niivertunut ilisimatitsissutigineqarneq ajorput. Frederik Olsen oqarpoq nunaqarfinni niivertut paatsuungagunik Pilersuisup qullersaqarfianut Sisimiuniitumut paasiniaaginnartarsinnaasut.
Kujataani suleqaterput Jørgen Semionsen ima aallartippoq:
Sapaatip akunnerata uuma siuliani nunaqarfinni nioqqutissat illoqarfinni nioqqutissanut sanilliullugit akisuneruvallaarnerat Qeqertarsuatsiaaniit radioaviisikkut uparuartorneqarpoq. Nioqqutissat nunaqarfinnukaaneqartarnerat akitsorsaataasartoq KNI assartuivimmi pisortaq Frederik Olsen oqarpoq.
-Soorunami nunaqarfinni niivertutta ilaatigut ajornakusoortutut isigisinnaasassavaat sooq nioqqutissat taamatut akitsorsimanersut. Kisianni maani Pilersuisumi soorunami nassuiaateqarnissatsinnut ammavugut, nioqqutissat ataasiakkaat eqqarsaatigalugit, sooq taamatut inissisimanersut.
Suummi assersuutigineqarsinnaappat? Fredrik Olsen nassuioaavoq assersuutigineqarsimasoq tassaasoq punneq Lurpak, tassa nunaqarfinni 4-5 koruunit tikillugit akisuneruvoq, Brugsenikulli Pisiffikkullu sooq akitsuuserpallaarmagu nioqqutigineraat akisinnaannginnerarpaa, pisiniarfiimmi tamanna namminneq akisussaaffigissammassuk. Taakkumi pisiniartartuminnik qarmaanissartik namminneq akisussaaffigigaat, Frederik Olsen oqarpoq. Taassuma ilanngullugu apeqqutigineqarsinnaasoraa innaallagiaq nunaqarfinni sooq akisunerunersoq, taamaammammi.
Nunaqarfnni Pilersuisup pisiniarfiini kaaviiaartitat ikiliartornerannut nunaqarfimmiut illoqarfimmut nuttarnerat KNI-ip pisortaaneranit pissutaatinneqarpoq.
Nunaqarfimmiut isumaqarput nunaqarfinni
nioqqutissat ikippallaarnerat, nioqqutissallu pigineqartut akisuallaarnerat, KNI A/S-ip nakkariartorneranut pissutaasut.
