Nioqqutissat akii qaffakkaluttuinnarput
Nioqqutissat akii qaffakkaluttuinarput, kalaallit nunaani naatsorsueqqissaartarfiup naatsorsugai malillugit tamanna takuneqarsinnaavoq.
Allattoq Louise M. Kleemann
Nioqqutissat akii siorna 2008-imi januaarip qaammataanit ukiormannamut 4,5 procentinik qaffapput.
Inuussutissat akii qaffannerpaapput, soorluttaaq atisat ineqarnermut akiliutigineqartartut sunngiffimmilu atortutut akii aamma qaffapput.
Angallatit umiatsiat biililluunniit orsussaat aamma akitsorput, taamatullu najugaqarfiit inissiallu kiassarneqarnerat aamma akitsortut naatsorsueqqissaartarfiup nalunaarutaani takuneqarsinnaapput.
Oqarasuaatinik atuineq allakkanik poortukkanillu nassitsinerit kisimik akikillipput taakkuami 4,5 procentinik akikinnerulersimagamik.