Nillertumi nalunnialerpoq
Silap kissakkaluttuinnarnera assigiinngitsorpassuit atorlugit takutinniarneqarsinnaavoq.
Assersuutigalugu qalasersuup avannarliup eqqaani nalunnguarneq.
Qarleeraannaalluni teqqialimmillu nasarluni kilomiiteri ataaseq, immami 1,8 gradiinnarnik kissassusilimmi nalunnguarniarluni, Russit sikusiutaanut ilaalluni, Tuluit nunaanneersoq Lewis Gordon Pugh, maanna angalaqataavoq.
Silap kissakkaluttuinnarnera takutinniarlugu taamatut iliorniarpoq.
- Ukiut tallimat matuma siorna taamaaliortoqarsimasinnaanavianngikkaluarpoq, tupinnaannartumillu maannakkut taamaaliortoqarsinnaavoq, gordon BBC-mut oqaluttuarpoq, nangillunilu: Avannaarsua kusanarluinnartuuvoq, aammali mianerisassaalluni, ukiunilu makkunani kissakkaluttuinnarpoq.
Sapaatiuppat luulip 15-iani nalunnguarnissani naatsorsuutigaa, minutsillu 21-it atussallugit naatsorsuutigaa. Lewis Gordon Pugh, 2005-imi nillertumi naluttarnini rekordiliissutigivaa.Taamanilu nalukkami imaq 0 gradiinnaavoq.
