Suliffeqarfik – Under-tec-imik atilik – “nilermik tigooraasumik” maanna nassaarsimavoq.
Taakkua tassaapput trussit ilupaqutillu silaannartaqanngitsut inunnut nillaanermik ajornarsiuteqartunut immikkut sanaat. Trussit ilupaqutillu nilermut “aniatitsiveqarput”, taamaalilluni nileq anillattussaajunnaarlugu suliaallutik. Danmarkimi aviisit ilaata Ekstrabladep nittartagaani taama allaaserinnittoqarpoq.
- Atorlugit iluartorujussuupput, qinnutikka tusarneqarsimapput, tassami aninialeraangama atiuaannarpakka, Under-tec-ip nittartagaani pisisartoq naammagisimaarinneqisoq allappoq. Trussiliorfiup oqaasinnaava aamma tusarneqaaq: “Asasatit pillugit atikkit”.
Trussit ilupaqutillu maskiinamik errorneqarsinnaapput qaammatillu arlallit qaanngiunnerisigut aatsaat taarsertariaqalissallutik. Nalunnguartarfimmi atornissaat naleqqutinngitsutut oqaatigineqarpoq. Kisianni peerneqaraangata inip iluani silaannarmik allanngortitsisarnersut oqaatigineqanngilaq.