VIDEO Nikallungarujussuartut ikiortissaaleqisarput
![](/sites/default/files/styles/image_934x467/public/oembed_thumbnails/2022-12/gHjvBzRR-7J1PeENADOiCkxtcLn_Ju17aZyCuo0auMA.jpg?itok=tSFa4PgM)
- Oqaloqatiginninniaraanni psykologimik utaqqinissaq sivisoorujussuuvoq, taakku nukillalaarnarsinnaasorujussuupput, Paninnguaq Heilmann Inuuneruna Iggoraarsuk-mik aallartitsisoq KNR-imut oqarpoq.
Dorthe Qvist isumatsannermik nappaateqarnini peqqutigalugu 15-eriarluni imminut toqoriartarsimavoq. Ikioqqullunilu saaffiginnikkami iisartakkanik tuniniarlugu innersuussimavaat, allamik soorlu oqaloqateqartarnissamik innersuunnagut, tamannalu paasineqannginnermik misigilersitsisimavoq.
Kisimiinngilarli taamatut misigisaqarsimasoq:
- Qasullunga uninngasarnikuuvunga, kisianni imatut sinissaarukkaangama sinitsinneqartarnikuuvunga napparsimavimmi, allatigut ikiorneqarneq ajorpunga. Oqarfigineqaannartarpunga qasuersaarlunga sinittariaqartunga napparsimavimmi, nassuiaanneqarneq ajorpunga annerusumik, Vera Paninnguaq Wæver KNR-imut oqarpoq.
Iliuusissaasinnaasumik siunnersuuteqarput
Inuuneruna Iggoraarsuk imminortarnerup akiorniarneqarneranik suliniuteqartut iliuusissaasinnaasumik siunnersuutissaqarput.
- Uku assigiinngitsut saaffissat: napparsimaveqarfik, katsorsaaviit, kommuneqarfiit politiit. Tamarmik suleqatigiissinnaasuugunik ersarissumillu inuiaqatigiinnut saqqummiullugu artorsaateqaruit uannga aallartissaatit, Inuuneruna Iggoraarsummit Paninnguaq Heilmann oqarpoq.
Nammineq aqqusaarsimasat sakkortoqisut allat misiginnginnissaat anguniarlugu Dorthe Qvist siunnersuuteqarusuppoq:
- Isumaqarpunga taamannak misigisartut ingerlaninnartumik sulissutigineqartassasut, nuanninngittorujussuugami taamannak misigisarluni.
Arnat apersukkavut tamarmik qaangiisimapput.