Nikalloqqajaanaveersaatit uerinarsinnaasut misissuinerup takutippaa

Iisartakkat nikalloqqajaanaveersaatit ima pinngitsoorneqarsinnaajunnaarsinnaatigaat, morfinituut, sininnartutuut annilaanganermulluunniit iisartakkatulli sunniuteqartarlutik. Ilisimatusarnermi nutaami tamanna uppernarsarneqarpoq. Atuagassiami Kristeligt Dagbladimi tamanna allaaserineqarpoq.
Allattoq Carla Davidsen
juulip 08-at 2012 13:48

Ilisimatuut USA-meersut Canadameersullu isumaqarput, napparsimasut, tamakkuninnga iisartagartortinneqartut, iisartagartorunnaaraangamik nikallungalersarnerat, nappaamminnut, tassa isumatsassimanermut, utersaarnerannik, isumaqartariaqanngitsoq namminneq uppernarsisinnaagitsik, taamaattunilli iisartagartorunnaaramik kingunerlutsitsisartut.

Tarnip pissusiinik ilisimasalik, Aarhusimi Universitetimi lektoriusimasoq, Thomas Nielsen, isumaqarpoq, iisartakkanik nikalloqqajaasunut isumatsattartunullu tunniussisarneq annertoqisoq apeqquserneqartariaqartoq misissuinerup ersersikkaa, Danmarkimi taamatut napparsimasut 400.000-nit amerlanerit iisartakkanik taamaattunik maanna nakorsaatissinneqartarput.

Gitte Moos Knudsenip, sianiutiluttunut Rigshospitalimi professoriusup, ilisimatuutut allaatigisat innersuuppai, taakkunani takuneqarsinnaammat peqqissartumik oqaloqatiginnittarnerit nakorsaatitulli sunniuteqartartut:

- Inoqarporli naalliuutilerujussuarnik anniaatilerujussuarnillu, taakkulu nakorsaatinik pisariaqartitsisarput, Gitte Moos Knudsen oqarpoq.

Aamma atuaruk