Niisarnatortarneq sukkoqalissutaasarpoq
![](/sites/default/files/styles/image_934x467/public/article_images/grindehval2_foto_ulloriaq_lundblad.jpg?itok=jH6GOsw2)
Aammattaq nerisassat akuutissanik toqunartoqarnerat sukkornermut patsisaaqataalluinnartoq danskit ilisimatuut paasivaat.
- Sukkornermut nappaat peqqinnanngitsunik nerisaqarnermik timersunngippallaarnermikllu tunngaveqartinniarneqartarpoq, ksianni misissuinermi uani paasineqarpoq akuutissat toqunartut nammineq pisuussutiginngisamik timimut pisartut aamma apeqqutaalluinnartuusut, professor Phillipe Grandjean Syddansk Universitetimeersoq DR-imut oqarpoq.
Savalimmiormiunik inuunertik tamaat niisarnanik nerisaqarsimasut misissuinermi sammineqarput. Taamaalilluni avatangiisinit mingutsitsinerup sukkornerlu imminnut attuumassuteqarat misissuinermi tassani paasineqarluni.
Niisarnat immani assigiinngitsuni angalasarnerminnit akuutissanik toqunartunik annertuunik timiminni peqartarput, taamaattumik savalimmiormiut niisarnanik nerisarunnaaqqullugit oqartussanit kaammattorneqareerput.
Phillipe Grandjeanip misissuinermini paasisani atuagassiami Epidemiologymy saqqummersissamaarpai.