New Zealand: Niisarnat 416-it sissat ilaannut tipisimasut
Nammineq kajumissutsiminnik sulisut 300-t missaat arferit tipisimasut imaanut utertinniarlugit ulapputileruttorput, sukkanerpaamik tassungarsimapput. Arferilli 75 procentiisa missaat toqoreersimasut paasinarsivoq.
- Oqaluttuarisaanitsinni arferit taama tipisimasut ajornerit akornanni pingajuattut inissisimavoq. Arferit ippassaq unnukkut nalunaaqutaq qulit missaanni tipisimapput, Rochelle Constantine, immami uumassusilinnik immikkut ilisimatusarsimasoq, Auckland Universitymeersorlu, TVNZ-imut taama ilaatigut oqarpoq.
Arferit 100-t missaat immamut utertinneqarsinnaasimapput, ilaalli ajoraluartumik tippussaaqqissimallutik. TVNZ taama nalunaaruteqarpoq.
Arferit 1000-it missaat New Zealandip qeqertaasa ilaanni Chatham Islandimi 1981-imi tippussaasimasut siumorneqarput, arferillu 450-it Aucklandip eqqaani 1985-imi tippussaallutik.