Nigeriami muslimit kristumiullu eqqissiviilliorput

Afrikami naalagaaffiit ilaanni, Nigeriami, upperisaq pillugu ulluni arlalinni eqqissiviilliortoqarnerani inuit 500-t pallillugit maannamut toqutaareerput. Provinsit illoqarfiisa pingaanersaanni Josimi muslimit kristumiullu akornanni eqqissiviilliortoqarpoq.
januaarip 21-at 2010 03:56

Sapaatiummalli eqqissiviilliortoqalerpoq, inuillu 200-t aqquserngit qeqqinnaanni ippassaq ualikkut toqutaapput, nalunaarutinili kingullerni oqaatigineqarpoq 450-init amerlanerit toqutaasimasut.

TV-qarfissuarmi BBC-mi afrikamiunut nutaarsiassaqartitsivimmiit nalunaarutigineqarpoq, eqqissiviilliorfimmiit kilometerinik hornorujunik ungasitsigisumi aamma akersuuttoqalersimasoq. Pisortat suliffeqarfiutaat ikuallatsinneqartarput, oqaluffiillugooq naalaffiillu arlallit aamma arsakuinnanngoreerput.

Provinsimili illoqarfiit pingaarnersaanni, Josimi, taassuuma qanittuani Nigeriallu qiterpasissuani eqqissiviilliortoqarneruvoq, muslimit avannarpasinnerusumi najugallit kristumiullu kujasinnerusumi najugallit, ukiuni kingullerni arlaleriarujussuarlutik aporaattarsimallutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq