Nigeriami meeqqat toqussutaat misissuiffiginialerpaat
Nigeriap avannarpasissuani ajunaarnersuarmi meeqqat ikinnerpaamik 200-t aqerlumik toqunartunillutik sooq toqusimanersut Naalagaaffiit Peqatigiinni avatangiisit pillugit immikkut ilisimasallit misissuiffiginialerpaat.
septembarip 25-at 2010 16:01
Eqqakkat aqerlumik toqunartullit unioqqutitsisumik kuultisiorfimmeersuusut pissutaassimasut paasineqareerpoq. Aviisimi Politikenimi tamanna allaaserineqarpoq.
Tuluit Nunaanni aviisimi The Guardianimi allaaserineqartut naapertorlugit, kuulti unioqqutitsisumik kuultisiorfimmeersoq nigeriamiut assaannarminnik salinniarsaritillugu mingutsitsineq aallartitissimavaat piaarinaatsoortumillu siaruaatiterlugu.
Aqerlut nunamut pujoralannullu pisut meeqqanut minnernut navianartorujussuusimapput, meeraaqqammi aqerlumik sapigaqarajuttuupput.
Ajunaarnersuaq pereersorlu Nigeriap avannarpasissuani kuultisiorneq qaammatini arlalinni inerteqqutaareerpoq.
