Nielsenit tassaavoq ujaqqap taaguutaa

Taanna Tunumi qeqertarpaat akornannik taaneqartartumi ujarassiuumit russimit nassaarineqarpoq. Nittartakkami videnskab.dk-mi taama allaaserinnittoqarpoq.

Ujaqqamik aatsitassartalimmik nassaartup russip ujarassiuup Nikolaj S. Rudashevskyp, ujarassiooq maanna suli peqqissoq, Troels Nielsen, ujaqqamut atsiuppaa. Taannamigooq qeqertarpassuaqarfinnik misissuisarnermigut suliarpassui pillugit nersorniarneqartariaqarmat.

Tassami ujarassiuut allassimanngikkaluamik malittarisaqarput, oqartumik, ujaqqanut nassaarineqartunut nutaanut ujarassiuut imminnut atsiutissanngitsut, ujarassiuumilli toqoreersumik, suliluunniit suli ajunngitsumik, imaluunniit inummik allamik ujarassiornermut pingaaruteqartumik ataqqiniakkaminnik, atsiisassasut.

Ujaqqap nutaap Nielsenitip saniatigut ujaqqanut atsiunneqareersunut ilaapput Sørensenit, Thomsenit, Jørgensenit aamma Steenstrupit.

Tamakku ujaqqat qallunaarpaluttumik atserneqarsimasut ilagiinnaraat, nittartakkami videnskab.dk-mi allaaserineqarpoq.