Niels Møller sungiusaasutut ingerlaannartumik tunuartoq
Tamannalu Kalaallit Nunaanni Assammik Arsartartut Kattuffiannut, GHF-imut, paaseqatigiiffiusumik isumaqatigiissuteqarnikkut pivoq.
Illuatungeriillu isumaqatigiissutaasoq oqaaseqarfigeqqikkusunngikkaat, GHF-ip tusagassiorfinnut nalunaarutaani atuarneqarsinnaavoq.
AAMMA ATUARUK - Ataatsimoornissarput piffissanngorpoq
GHF-imili siulersuisuni siulittaasup Jørgen Isak Olsenip oqaatigaa Niels Møllerip nunanut allanut unammisartunut sungiusaasuunermini ukiut arlaqartut matuma siorna anguniagassatut siunniussat angusimagai.
Siulersuisuni siulittaasup Niels Møllerillu oqaatigaat nunanut allanut unammisartunut sungiusaasuujunnaartup GHF allatigut suleqatigiinnassagaa.
- Kattuffik nalunaarfigivara nuna tamakkerlugu sungiusaasuunermit kattuffimmi allatut atorfissaqartinneqaruma periarfissiissallunga suleqataanissamut, Niels Møller tusagassiorfinnut nalunaarummi taama oqarpoq, GHF-illu siulittaasuata tamanna ima oqaaseqarfigaa:
- Niels Møllerip piginnaasai siunissami allamut sammitillugit atorneqassapput tassungalu suleqatigiinnissatsinnut qilanaarpugut, Jørgen Isak Olsen taama oqarpoq.