Niels Helveg Petersen toquvoq

Nunanut allanut tunngasunut ministeriusimasoq aamma Det Radikali partiit siullittaasorisimasaat Niels Helveg Petersen 78-nik ukioqarluni toquvoq.
Allattoq Jaaku Lyberth, Karsten Sommer
juunip 03-at 2017 13:44

Niels Helveg Petersen folketingemut siullerpaamik qinigaavoq 1966-mi.  Nunanut allanut tunngasunut ministereriuvoq 1993-miit 2000-ip tungaanut aamma aningaasaqarnermut ministeriuvoq 1988-miit 1990-mut.

Namminersorneq pillugu isumalioqatigiissitami ilaasortaanikuuvoq, Niels Helveg Petersenilu folketingemi ilaasortaanermini ukiuni 36-ni nalinginnaasumik Kalaallit Nunaannut tunngassuteqartunik suliaqartarpoq.

Kalaallit Nunaata nunamik piginnittussaaneranik oqallittoqarnerani Niels Helveg Petersenip oqariartuutaa erseqqarippoq:

Kalaallit namminersulernissaaannut nammineerlutik aalajangernissaannut isumaqataagaanni, aatsitassanut nammineerlutik aalajangiisinnaanerannik  kinguneqartussaavoq, Niels Helveg Petersen ukioq 2008-mi  taama oqarpoq.
Taamani aamma oqarpoq, Kalaallit Nunaat Danmarkimut aningaasartuutaaginnarneranik oqalunneq  kusananngitsuusoq pisariaqanngitsorlu.

Helveg Petersenip siusinnerussukkut nalunaarutigaa, kræftemik nappaateqalersimallunni. Helveg Langelandimi ilaqutariit illuanni unnuaq eqqissivoq, aviiisi Politiken taama allaaserisaqarpoq

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq