Nick Nielsenip Danmarkimi ilinniartunik ataatsimeeqateqarnissani ullormik ataatsimik sioqqutsilluni taamaatiinnarpaa
Naalakkersuisunut ilaasortaq Nick Nielsen Odensemi ilinniartut peqatigalugit paasisassarsiorluni angalasussaagaluarpoq. Angalaneq ullumi aallartittussaagaluarpoq, Nick Nielsenilli angalanissaq taamaatiinnarsimavaa, Odensemi Kalaallit Illuutaanni ilinniartunik ilitsersuisoq Marianne B. Jensen taama nalunaaruteqarpoq.
Allattoq Peter Troelsen, Simon Uldum
januaarip 17-at 2014 10:16
Nick Nielsenip "Nunatsinni politikkikkut pissutsit maannakkutut isikkoqartillugit" taamaatitsisariaqarluni tunngavilersuutigaa. Taamaatut tunngavilersuuteqarneranut sunarpiaq pineqarnersoq oqaatigineqanngilaq, Nick Nielsenilli partiiani Siumumi mamianartuliat perulluliornerullu taama amerlatigitillugit nassuiaatissarpassuaqarsinnaavoq.
Naalakkersuisut siulittaasuat Aleqa Hammond Europami ulluni makkunani angalavoq, taassumali angalanerminik aamma taamaatitsisariaqarneranut paasissutissanik saqqummiussaqartoqarsimanngilaq.
