Nick Nielsen Siumumit tunualersoq

Tusagassiorfimmut ima oqarpoq:
 
- Suna tamaat qittullugu Siumumi angerlarsimaannarnissara sulissutigigaluarpara, kisianni misigisimanngilanga tunuliaqutaqarlungalu tapersersorneqarlunga.

Aamma oqaatigaa Inuit Ataqatigiinnut saaffiginnissuteqarsimalluni partiimut ilaasortanngorsinnaanerluni apeqqutigalugu.

AAMMA ATURUK Nick Nielsenip Siumut akerlilersoraa

Partiimit tunualernera Folketingimi ukiup aallartinnerani sivikitsuinnarmik ilaasortaareerluni tunuartitaaneranik tunngaveqarpoq. Kim Kielsenip tunuartippaa Doris Jakobsenillu Folketingimi suliaqarnini nangeqqillugu.
 
Tamanna pivoq Pituffimmi kiffartuussinissamik isumaqatigiissummut tunngatillugu Namminersorlutik Oqartussat suliaqarsimanerat Folketingip oqaluttarfianit isornartorsiormagu. Tamannarpiarlu tunngavigalugu Nick Nielsenip Kim Kielsen Inatsisartut Ombudsmandiannut naammagittaalliutigaa, facebookimi quppernermini taama allappoq.

AAMMA ATUARUK Nick Nielsenip tunuartitaanini paasisinnaanngilaa

Folketingip oqaluttuarfianit oqarsinnaaatitaanini Kim Kielsenimit Svend Hardenbergimillu killilersorneqarsinnaanersoq Ombudsmandimit naliliiffigineqarnissaa kissaatigaa.