Nick Nielsen Inuit Ataqatigiinnit tikilluaqquneqarpoq
Naalakkersuisunut Folketingimilu Siumut sinnerlugu ilaasortaasimasup, Nick Nielsenip illuatungiliuttunut Inuit Ataqatigiinnut ilaasortanngornini facebookimi quppernermini tamanut ippassaq nalunaarutigaa.
- Inuiaqatigiinni oqallinnermi peqataaneq nuannarisaraara politikikkullu aggerfeqarneq tunuliaqutaqarnerlu pingaartillugu. Piffissaq kingulleq aalajangersimavunga uannut tusarnaarluariarlunga Inuit Ataqatigiinnut ilaasortanngussallunga, qujanartumillu tikilluaqqusaasimavunga - tamannalu nuannaarutigaara! Nick Nielsen allappoq.
Aamma atuaruk Nick Nielsenip Siumut akerlilersoraa
Inuit Ataqatigiillu politikkikkut siunertaat isumaqatigalugit, Nick Nielsen oqarpoq
-Inuit Ataqatigiit politikikkut anguniangaat naleqartitaallu peqataaffigisinnaallugit misigisimavunga kiisalu ileqqorissaarnermik pingaartitsinerat nuannaralugu, Nick Nielsen oqarpoq
IAp Nuummi immikkoortortaqarfiani siulittaasup Tikkili Isaksenip ilaasortanngorlaaq tikilluaqquaa.
-Nuummi Inuit Ataqatigiit sinnerlugu ilaasortanngoruit ilimagilluinnarpara allat naligalugit suleqataanissat, IA-llu politikkikkut anguniagai pillugit suleqatanissat nuannaarutigaarput, Tikkili Isaksen allappoq.