Nicholas Sarkozy naammagisimaarinnippoq

Sarkozy, maannakkut EU-mi aamma siulittaasuusoq, Moskvami tikeraarsimanermini sorsuuttutut akerariit nunap ilaanit sorsuffiusunit nunallu immikkoortuani avissaarniartumi Sydossetiamit tunuartilernissaminnut pilersaarusiamik aalajangersaaqqullugit kajumissaarpai.

-Pilersaarut piaartumik aalajangersartariaqarparput, taamaalillutik illuatungeriit ajornartorsiortoqalinngikkallarmalli inissisimaffimminnut utersinnaaniassammata, Nicolas Sarkozy oqarpoq.

Georgiamili naalakkersuisut Ruslandimit uppernarsaatissanik tigussaasunik, eqqissinissamillu isumaqatigiissummik ataavartumik, piumasaqaateqarput, sakkutuulersuinerup ilumut unitsinneqarnissaa upperilissagunikku.

Georgiami naalakkersuisut naapertorlugit russit sakkutuuisa isaajartornertik unitsikkallarsimavaat, sulili tunuartitilersimanatik.

Georgiami aaqqiagiinnginnermi ullumi eqqugaasunut 1millioni koruunit missaanniittut Dansk Røde Korsip nassiuppai.

Røde Korsip nunani tamalaani suliniutaanut aningaasat ingerlassapput, ikiligarpassuit nakorsamit ikiorneqarnissaasa, kiisalu qimaasut isumagineqarnissaanni piareersimasussat pilersinneqarnissaannut atugassatut, ikiuiniaqatigiiffik nalunaarpoq.

Inuit 30.000-it pallillugit nunap ilaani tamaani russit georgiamiullu sorsuunneranni

qimaasimapput.