Ni hao Nuuk Københavnimi

Kalaallit Nunaata siunissami nunatut aatsitassarsiorfinngornissaa isiginnaartitsissummi sammineqarpoq. Angutip kalaallip Kuannersuarneersup, norgemiup urani pillugu ilisimasallip Nuummilu kinamiutuaasup Kalaallit Nunaata aatsitassarsiorfinngoriartornera tamarmik immikkut oqaluttuaraat.
 
Isiginnaartitsisartoq Miké Thomsen, Nunatsinni isiginnaartitsisartunngorniat ilinniarfianni naammassisimasoq pingaarnertut inuttaallu Kuannersuit eqqaanni najugaqartuuvoq.
 
Isiginnaagassiaq, Ditte Maria Bjergimit suliarineqarpoq, taassuma ilaatigut "Made in India" 2013-imeersoq naliliisartunit nersualaarneqartoq aamma suliarimavaa. Isiginnaartitsissut Købnehavnimi Botanisk Havemi Maskinhallenimi takutinneqassaaq.
 
Isiginnaartitsissut ullumimit marsip 15-iata tungaanut takutinneqartassaaq.