Newfoundland: Canada eqeersimaarnerusariaqarpoq

- Puisit amiinik sulianik akerliuniat illuatungilerniarlugit imminut nittarsaammat pissusissamisuuginnassaaq EU-mi ataatsimiinnermi Canada tamanna pillugu pisortatigoortumik iliuuseqassappat, taama Danny Williams tusagassiuutinut allappoq.

Puisit amiinik EU-mut eqqusseqqusiunnaarnissamik pilersaarutit piviusunngussappata Nunavummi, Labradorimi Newfoundlandimilu nunap inoqqaavi innarlerneqassasut, Williamsip aammattaaq erseqqissaatigaa. Taamatuttaaq ilaannakortumik eqqusseqqusiunnaartoqassagaluarpalluunniit innarliisoqassasoq taassuma aamma erseqqissaatigaa.

Puisit amiinik EU-mut eqqussiunnaarnissamik siunnersuut EU parlamentimi qaammatip tulliani oqallisigineqassaaq, ukiarulu taasissutigineqassalluni.

Stephen Harper Parisimeereeruni Bonniliassaaq, kingusinnerusukkullu Ruumamut Londonimullu angalassalluni.