New Zealandimi politiit tigusarinninnermi iliuusaat unnerluutigineqarpoq
Maannalu nuna tamakkerlugu iperaaqqusillutik kissaateqartut akerliussutsimik takutitsisalerput, New Zealand Herald-ip nittartagaani taama allattoqarpoq.
New Zealandip illoqarfiisa ilaanni Whakatanemi inuit tuusintilikkaat akerliussutsimik, Hikoi-mik taallugu, takutsitipput, politiit pinerliiniartunik ujaasinerminni meeqqanik ilanngussisimasutut ilaatigut uparuartuiutigalutik.
Akerliussutsimik takutitsineq eqqissisimasumik ingerlanneqarpoq.
Inuit ”meeqqavut susassarinngilasi!”-mik allanneqartunik allagartarsualisarput, Maorillu erfalasuannik erfalasulisartut amerlallutik.
Ilinniartut politeeqarfiup saavani akerliussutsimik takutitsillutik, Maorit qitittariaasaannik Haka-mik qitipput, qitittariaaseq qanga maorit sorsunnialeraangamik atoratarpaat.
Oqalugiartut ilaat, atuartunik bussertitsisartoq, Isaac Nuku oqarpoq, meeqqat bussiniitillutik politiinit pinerliinianik ujaasisunit misissuiffigineqarsimasut. Politiillu misissuinerminni iliuuserisimasaat akerliusutsimik takutsitisunit Politiinut suliassanngortillugit tunniunneqartut, New Zealand Heraldip nittartagaani allattoqarpoq.
