New Zealandimi innermik anitsisoqarnerani ajunaartut kingulliit kinaassusersineqartut
New Zealandip qeqertaa White Island takornarianik ornigarneqarluartartoq decembarip qulingiluaanni innermik anitsisarfik anitsilerpoq, inuillu 18-it inuunerminnik annaasaqarlutik.
Maannamut paasisat malillugit inuit 17-it peruluttut inaanni nakkutigineqarput, taakku sakkortuumik timimikkut uutitersimapput.
Inuit ajunaarsimasut ikinnerpaamik aqqaneq marluk australiameersuupput, marlullu New Zealandimeersut takornariartitsisartuullutik
AAMMA ATUARUK New Zealandimi politiit toqungasut timaat innermik anitsisartulimmit ikaarukkaat
Innermik anitsisoq anitsilermat takornariaq Australiameersut, USA-meersut, Tuluit Nunaaneersut, Kinameersut, Tysklandimeersut, Malaysiameersut New Zealandimeersullu 47-t qeqertamiipput.
Takornariartitsisartut sooq takornariat qeqertamukaassimaneraat maanna oqartussat misissuleruttorpaat . Taannami sioqqutitsiarlugu ilisimasallit nalunaaruteqarput ullualuit qaangiuppata innermik anitsisoqassasoq.
/ritzau/AFP
