New Yorkimi toqutsisarnerit aatsaat taama ikitsigisut
Kisitsisit pisortatigoortut politiinit sisamanngornermi saqqummiunneqartut takutippaat.
New Yorkimi inuit siorna 289-it toqutaasimapput, ukiullu siulianut sanilliullugu procentimik ataatsimik appariarsimavoq.
Kisitsisillu 1950-kkut aallartilaarnerannut sanilliullugit aatsaat taama appasitsigipput.
Ukiut kingulliit qulit qiviaraanni toqutsinerit 45 procentimik apparsimapput.
1990-milu pinerluffiunerpaaffiup nalaani inuit 2245-t toqutaasimapput.
New Yorkimi siorna oktobarip aallartinnerani sapaatip akunnerani siullermi aallaasersortoqarsimanngilaq.
Borgmesterip Bill de Blasiop politiit suliniuteqarluarsimasut nersualaarpai, illoqarfimmimi nutaamik periusissiornikkut 2015-imit nakkutilliisoqarnerulerneratigut toqutsisarnerit ikileriarsimapput.
Ammilli qalipaataanik immikkoortitsinerit aallaavigalugit saassussinerit amerleriarsimapput, siornami 361-seriarluni politiinut nalunaarutiginnittoqarsimavoq.
/ritzau/AFP