New Yorkip borgmesteria New Yorkip uuliasiortitseqatigiissuit eqqartuussivilersuutilerai

New York Citymi aqutsisut uuliasioqatigiiffissuarnut anginernut tallimanut tassaasunut BP, Chevron, ConocoPhillips, Exxon Mobil aamma Royal Dutch Shellimut silap kiatsikkiartorneranut tapersiisimasutut unnerluutiginneqqusipput

Atorfillit ilutigitillugu nalunaaruteqarput illoqarfissuup ikummatissanut uuliameersunut aamarsuarneersunullu toqqorsivimmiittuutitani annertoorujussuit tuniniarniarai.

AAMMA ATUARUK Norgep naalagaaffia uuliasiornermut tunngatillugu eqqartuussivimmut suliassanngortinneqartoq

New Yorkip borgmesteria Bill de Blasio oqarpoq illoqarfissuup silap pissusaata allanngoriartorneranut eqqanaarsaatigisimasani dollarsinik milliardilikkaanik nalillit taarsertinniarniarai.

- Suliffeqarfissuarnut  ikummatissanik uuliameersunik aamarsuarneersunillu tunisassiortartunut kingunipiloqartitsisartunut sorsunniarpugut. Tamanut ammasumik akissarsiornissartik illersorniarlugu piaaralutik paatsoortitsiniaasimasutut, Bill de Blasio demokratiusoq oqarpoq.

Taanna ilanngulllugu oqarpoq silap pissusaata allanngoriartornera ingerlaannartoq.

-  New Yorkip isumannaatsuunerunissaannut ninngusuujunissaannullu uuliasiortsitseqatigiiffiit akiliissanerlutik namminneq aalajangissavaat.

AAMMA ATUARUK CO2-mik aniatitsineq annertusissangatinneqartoq

New York Citymi aqutsisut oqarput, uuliasiortitseqatigiiffiit ukiorpassuanngortuni ilisimasimavaat, ikummatissat silaannaap kiatsikkiartorneranut pissutaasut.

Curtis Smith, uuliasiortitsivimmi Shellimi oqaaseqartartoq oqarpoq,  Shell isumaqartoq, silap pissusaata allanngoriartornera inuiaqatigiinnut unammillernartuusoq.

Naalakkersuisut tungaanniit  peqqinnarnerusumik politikkeqartoqartariaqarpoq atuisullu allannguisoqarneratigut, eqqartuussiviit aqqutiginagit, Curtis Smith uuliasiortitsivimmi Shellimi oqaaseqartartoq taama oqarpoq.  

/ritzau/AP