Avatangiisit

CO2-mik aniatitsineq annertusissangatinneqartoq

CO2-p Nunarsuarmi aniatinneqartup 2014-imiilli allanngorsimanngeriarluni ukioq manna 2 procentinik annertusinissaa naatsorsuutigineqarpoq.
Allattoq Ritzau
novembarip 13-at 2017 14:20

Immikkut ilisimasallit, ministerit atorfilittallu, silap pissusia pillugu Tysklandimi Bonnimi ataatsimiinnerisa nalaanni ullumi ataasinngornermi taama nalunaaruteqartoqarpoq.

- Pakatsinaqaaq, silap pissusia pillugu immikkut ilisimasalik Corinne Le Quere, gassit silaannarmik kissakkiartortitsisartut pillugit nalunaarusioqataasoq oqarpoq.

Taanna Tuluit Nunaanni ilisimatusarfimmit East Anglia Universitymeersuuvoq, ilisimatusarfiup immikkoortortaani Tyndall Centremeersuulluni. Immikkoortoq taanna silap pissusianik immikkut ilisimatusarfiuvoq.

Nunat 196-it silap pissusiata allanngoriartornerata akiorniarneqarnissaanut Parisimi 2015-imi isumaqatigiissutaat naapertorlugu nunarsuarmi silaannaap kissakkiartornerata ataatsimut isigalugu annerpaamik 2 procentit tikillugit kissatsikkiartornissaa isumaqatigiissutaavoq.

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq