New York Marathonimut peqataajartortut
Kalaallit New York Marathonimi arpaqataasussat, Air Greenlandip siullermeertumik Amerikamut toqqaannartumik angalaneranut ilaapput, Ullumilu Baltimoremiik arpattussat bussinik New Yorkimut aallannginneranni angalaqataasut ilaat Salomine Tobiassenimit apersorneqarput
-Kalaallit peqataasussat 23-iupput isiginnaariallu qulit missaaniittut peqataallutik, Peter Frederik Lyberth angalanermik pilersaarusioqataasoq oqarpoq.
Arpannermik peqataaqqaartussaq Rasmine Geisler siullermeerluni maratoneqataanissani qilanaarivaa ilinniarfigissanerarlugulu
- Neriuppunga 4 tiimit ataallugit arpassallunga, pingaarnerpaavorli arpanneq naammassillugu ingerlanissara, Rasmine Gerisler oqarpoq
Hans Lars Jørgensen siorna New York Maratonimi arpannermi 55-60-illu ukiullit akornanni normu 11-tut inissittoq, neriulluarpoq.
-Neriuutigaara ukioq manna pitsaanerit qulit akornanni inississallunga, Maratonernermili nalunartarpoq qanoq ingerlasoqassanersoq, Hans Lars Jørgensen oqarpoq.